Ish trajneri legjendar i Arsenalit ka zbuluar se si futbolli mund të jetë në një të ardhme , pas zëvendësimet mund të vendoseshin duke pyetur tifozët se cilët lojtarë duhet të inkuadrohen në pjesën e dytë.

Wenger u largua nga posti i tij si trajner i Arsenalit në fund të sezonit të kaluar pas 20 viteve në detyrë te klubi anglez, transmeton portali arbresh.info. Ai së fundmi ka dhënë një intervistë duke thënë se mund të jetë me klub të ri që nga i pari janar i vitit të ardhshëm.

Duke folur në një intervistë për gazetën gjermane ‘Bild’, Arsene Wenger ka zbuluar se si mund të jetë futbolli në të ardhmen. Ai ka thënë se zëvendësimet mund të bëhen me vota online pas përfundimit të pjesës së parë.

“Gjatë pesë viteve të ardhshme zëvendësimet në një ndeshje mund të vendosen në rrjete sociale, ndoshta aty do të kemi votime pas pushimit ndërmjet pjesës së parë dhe pjesës së dytë për të vendosur se cilët lojtarë duhen të zëvendësohen dhe cilët duhet të qëndrojnë në fushë për herë të dytë”, ka thënë francezi për gazetën e lartpërmendur.

“Fuqia e klubeve vetëm se do të ulet. Kjo është arsyeja pse liderët e klubeve duhet të jenë më të fortë, për të marrë sfida kundër ndikimeve të jashtme”

Wenger së fundmi është duke u përfolur si një zëvendësues i trajnerit Julen Lopeteguit në Real Madrid, ku ata vazhdojnë të jenë pa fitore në pesë ndeshjet e tyre të fundit./arbresh.info/