Arsene Wenger – Arsenal, vjen vendimi

15:46 | 30 Maj 2017
Arbresh.info

Arsene Wenger ka arritur marrëveshje verbale për vazhdimin e qëndrimit të tij në Emirates edhe për dy vite të tjera – raportojnë mediat angleze.

Strategu francez është takuar me pronarin Stan Kroenke të hënën, ndërsa burime nga bordi i klubit kanë njoftuar se trajneri do ta vazhdojë drejtimin e Topçinjve.

Kontrata e 67-vjeçarit skadon në muajin e ardhshëm, ndërsa tifozët e kanë kërkuar largimin e tij, pas një sezoni që nuk i ka plotësuar pritshmëritë.

Për më shumë, është hera e parë pas 19 vitesh që Arsenali nuk kualifikohet në Ligën e Kampionëve.

Sidoqoftë, sezoni 2016/2017 u mbyll me trofeun e FA Cup, pas triumfit ndaj Chelseat në Wembley dhe duket se ky triumf ka mjaftuar për t’i bindur krerët e klubit.

Sipas BBC, në ditët në vijim do të bëhet zyrtarizimi i marrëveshjes.

Shpërndaje në rrjete sociale

Lajmet më të lexuara

Të ngjashme

Foto lajm