Google ADS

Arsenalit i rikthehen tre lojtarë para derbit me Tottenham

18:46 | 7 Shkurt 2018
Arbresh.info

Arsenali ka marrë një lajm të mirë para derbit të Londrës së Veriut, me Tottenham në kuadër të Premierligës.

Topçinjtë do të mund të llogaritin në shërbimet e Nacho Monrealit, Danny Welbeck dhe Peter Chech, të cilët janë rikthyer nga lëndimet.

Monreal dhe Chech pësuan lëndime në fitoren e Arsenalit ndaj Evertonit me rezultat 5 me 1, dhe ky fakt e kishte bërë të brengosur trajnerin francez, Arsene Wenger.

Mbrojtësi spanjoll ishte zëvendësuar gjatë pushimit të pjesëve për shkak të një gripi sezonal, ndërsa Chech u zëvendësua në minutën e 70 pas lëndoi kofshën e tij gjatë një dueli.

Sipas “The Evening Standard” që të dy kanë arritur të rikuperohen në kohë për derbin me Tottenhamin, transmeton arbresh.info.

Ndërsa, Welbeck është shumë afër rikthimit dhe se mund të përfshihet në derbi.

Sulmuesi anglez ka qenë jashtë fushave të gjelbërta që nga janari, por ai mund t’i bashkohet pjesës tjetër të skuadrës këtë javë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm