Arsenali ka arritur të shënoj të thellë 6-0 si mysafir ndaj skuadrës tjetër nga Londra, West Ham Unitedit, në kuadër të xhiros së 24-të në Premier League.

Këtë debakël e nisi Saliba në minutën e 32-të, kur realizoi për epërsinë fillestare të Arsenalit, shkruan Arbresh.info.

Fundi i pjesës së parë ishte fatal për West Hamin, kur pranoi edhe tre gola tjerë.

Fillimisht Saka në minutën e 41-të nga penalltia, realizoi për 2-0.

Tre minuta më vonë epërsia u trefishua nga Gabriel.

Kurse pokerin për Arsenalin e kompletoi belgu Trossard në minutën e dytë të kohës shtesë.

Pjesa e dytë solli edhe dy gola tjerë të Topçinjve.

Saka shënoi golin e dytë personal në minutën e 63-të.

Kurse pas tre minutave Declan Rice realizoi një supergol ndaj ish ekipës së tij për të vulosur këtë rezultat.

🚨 GOAL | West Ham 0-6 Arsenal | Declan Rice

pic.twitter.com/oLwsrInkUV

— VAR Tático (@vartatico) February 11, 2024

Pas kësaj fitore Arsenali është i treti me 52 pikë aq sa ka edhe Manchester City që ndodhet në pozitën e dytë, mirëpo ka një ndeshje më pak.

Kurse West Hami është i teti me 36 pikë./Arbresh.info/