Arsenali është duke e përgatitur një ndryshim të rrënjësishëm në skuadër gjatë verës, duke përfshirë edhe largimin e befasishëm të portierit Bernd Leno, sipas mediave britanike.
Arsenali po e përjeton një sezon të mjerueshëm dhe tani zë vendin e nëntë në tabelën e Premierligës, me mundësi të mëdha për të munguar në garat evropiane për herë të parë në 25 vjetët e fundit.
Por trajneri Mikel Arteta vijon ta ketë përkrahjen e hierarkisë së Arsenalit dhe klubi është i gatshëm të shpenzojë shumë gjatë verës, në përpjekje për ta rifituar besimin pas tentimit për t’iu bashkuar Superligës Evropiane.
Pjesë e madhe e planit në tregun e transferimeve është largimi i disa lojtarëve, të cilët Arteta nuk i sheh në planet e veta dhe me shitjen e tyre synon të grumbullojë të holla.
Sipas mediave britanike, Arteta dëshiron t’i largojë gjashtë futbollistë, përfshirë portierin Leno.
Thuhet se Arteta e ka humbur durimin me portierin gjerman, i cili i ka bërë disa gabime të njëpasnjëshme këtë sezon.
Lojtarët e tjerë që Arsenali synon t’i largojë janë: Lucas Torreira, Matteo Guendouzi, Ainsley Maitland-Niles dhe Sead Kolasinac./Gazeta Express/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite