Google ADS

Arsenali gjobitet rëndë pas protestës kundër Leicesterit

12:22 | 22 Maj 2018
Arbresh Info

Arsenali është gjobitur me 20 mijë funta pasi lojtarët e tyre rrethuan gjyqtarin gjatë disfatës ndaj Leicesterit më 9 maj.

Protesta nga “Topçinjtë” erdhi në minutën e 75′ kur Graham Scott akordoi penalti për “Dhelprat”, të cilën e ekzekutoi Jamie Vardy duke shënuar për 2 me 1, transmeton portali arbresh.info.

Arsenali, i cili humbi me rezultat 3 me 1, është akuzuar për “dështim në sigurimin e lojtarëve të tyre që të sillen në formë të duhur” nga Federata e Futbollit të Anglisë.

Klubi ka pranuar akuzuat, por ka shtuar se nuk pajtohen me standardin e gjobës.

“Një komision rregullator i pavarur vendosi që rrethanat nuk ishin vërtetë të jashtëzakonshme dhe gjoba u aplikua”, ka njoftuar Federata e Futbollit të Anglisë përmes një deklarate./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm