Arsenali bindshëm në finale të Evropa Ligës, eliminohet Valencia

22:50 | 9 Maj 2019
Arbresh Info

Arsenali ka siguruar kualifikimin në finale të Evropa Ligës duke fituar me rezultat të bindshëm edhe takimin dytë kundër Valencias.

“Topçinjtë” mposhtën me rezultat 2 me 4 skuadrën spanjolle në takimin kthyes në Mestalla duke vazhduar për në sfidën e fundit me një fitore me rezultat të përgjithshëm 3 me 7, shkruan portali arbresh.info.

Pas golit të epërsisë nga Kevin Gameiro (11′), “Topçinjtë” u përgjigjen menjëherë duke shënuar me anë të Aubameyang (17′) dhe Lacazette (50′) në pjesën e dytë për 1 me 2.

Por, Gameiro gjeti portën sërish duke barazuar rezultatin në 2 me 2 (58′) para se gjiganti londinez të përgjigjej sërish me anë të sulmuesit gabonez Pierre Emerick Aubameyang (69′) që finalizoi hat-trick’un me golin në sekondat e fundit të ndeshjes për 3 me 7 (88′).

Granit Xhaka ishte nga minuta e parë në këtë ndeshje, ndërsa Shkodran Mustafi u inkuadra gjatë pjesës së dytë.

Finalja e Evropa Ligës zhvillohet më 31 maj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm