Arsenal shton interesimin për Nabil Fekir-in

11:15 | 10 Qershor 2020
Arbresh Info

Arsenal ka shtuar interesimin për mesfushorin e Real Betis-it, Nabil Fekir pasi janë në kërkim të zëvendësuesit së Dani Ceballos.

Ceballos iu bashkua “Topçinjve” në formë huazimi nga Real Madrid dhe ka bërë 24 paraqitje, por huazimi i skadon në fund të muajit.

Arsenal dëshiron ta mbajë, mirëpo preferenca e spanjollit është që të rikthehet në “Santiago Bernabeu” dhe të punojë nën urdhrat e Zinedine Zidane.

Sipas The Star, Arsenal është duke kërkuar zëvendësuesin dhe e ka identifikuar Fekir si lojtari ideal.

Fekir ka shkëlqyer këtë sezon duke shënuar shtatë gola dhe dhënë gjashtë asistime, kurse Arsenal sezonin e kaluar kishte shansin ta transferonte, por vendosen ta huazojnë Ceballos./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm