Google ADS

Arrihet marrëveshja, Mayoral huazohet për dy vite te Roma

21:55 | 1 Tetor 2020
A. B.

Roma ka arritur marrëveshje me Real Madridin për Borja Mayoral, i cili të premten do t’u nënshtrohet ekzaminimeve mjekësore.

Giallorossët do ta huazojnë lojtarin për dy sezonet e ardhshme me opsionin për ta blerë për një shumë në mes të 15 dhe 19 milionë euro.

Përfaqësuesit e 23-vjeçarit kanë qëndruar të enjten në fushën stërvitore Trigoria, ku është arritur marrëveshja.

Ka pasur raportime të ndryshme lidhur me formatin e transferimit, mirëpo tash është bërë e ditur se do të jetë huazim dyvjeçar.

Nëse e aktivizon klauzolën e blerjes në vitin 2021, atëherë Roma mund ta blejë për 15 milionë euro, ndërsa nëse e blen në vitin 2022, atëherë duhet të paguajë 19 milionë euro. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm