Manchester United raportohet se ka rënë dakord me Real Sociedadin për tarifën e transferimit të anësorit kosovar Adnan Januzaj për 9.7 milionë funta.

Karriera e reprezentuesit të Belgjikës ka pasur rënie të vazhdueshme dhe talenti nuk është më pjesë e planeve të skuadrës së parë të Manchester United, transmeton portali arbresh.info.

Januzaj ka aktualisht edhe një vit të mbetur në kontratën e tij në Old Trafford dhe Jose Mourinho duket përfundimisht i vendosur për të shitur kosovarin që është kërkuar nga një numër i madh skuadrash.

22-vjeçari shpenzoi sezonin e kaluar si një i huazuar te Sunderlandi nën udhëheqjen e ish trajnerit të Manchester United, David Moyes, por dështoi për të pasur ndikim. Po ashtu, Januzaj kishte vështirësi gjatë kohës së kaluar te Borussia Dortmundi.

Lexo edhe: Xherdan Shaqiri rikthehet në Serie A?

Roma ka qenë duke kërkuar gjithashtu këtë verë transferimin e tij, por ‘France Football’ pretendon se “Djajtë e Kuq” dhe Real Sociedadi kanë arritur një marrëveshje për transferimin e tij.

Januzaj shpreson të fitoj pozitë në formacionin startues të skuadrës pasi ka nevojë për të rikthyer karrierën e tij pas shumë viteve të vështira nga fillimi premtues në Manchester United gjatë sezonit 2013/14./arbresh.info