Liverpooli mbrëmë u shpall kampion i Anglisë për të 20-tën herë në histori të klubit, pas fitores ndaj Tottenhamit me rezultat 5-1.
Për njërin nga lojtarët e “The Reds”, ky mund të jetë titulli i fundit që e fiton me këtë klub, shkruan Arbresh.info.
Bëhet fjalë për mbrojtësin anësor, Trent Alexander-Arnold, i cili është në vitin e fundit të kontratës së tij dhe një muaj para përfundimit ende nuk e ka rinovuar atë, ndryshe nga Momo Salah e Virgil Van Dijk të cilët e kanë bërë një gjë të tillë.
Trent që nga janari aludohet për një transferim të mundshëm verës tek Real Madridi.
Mirëpo gjatë javës së kaluar, 26-vjeçari shënoi një gol shumë të rëndësishëm për “The Reds”, ndaj Leicesterit, ai realizim e afroi skuadrën edhe më shumë me titullin. Por vlen të theksohet festa e Trentit e cila menjëherë u bë lajm nëpër mbarë Anglinë.
Pas gjithë këtyre ditëve të shumtë janë ata që edhe besojnë se Arnold do të vazhdojë kontratën e tij me klubin e fëmijërisë.
Mbrojtësi anglez “i ka hedhur benzinë, zjarrit” akoma më shumë me postimin e tij të fundit në rrjetin social Instagram, pas triumfit në Premier League.
View this post on Instagram
“Për qytetin dhe për tifozët”, ka shkruar shkurtimisht ai duke publikuar pamje nga festa e titullit kampion.
Pas këtij postimi kanë vërshuar komentet në drejtimin e tij, lidhur me një qëndrim të mundshëm edhe për disa vite tjera tek klubi i Liverpoolit.
Por gjithçka do të varet nga vetë Trent Alexander-Arnold gjatë ditëve në vijim. Kujtojmë se kontrata e tij skadon me 30 qershor të këtij viti./Arbresh.info
Raportohet se Foda është në bisedime me klubin Al-Wahda
Dyshohet për të shtëna me armë zjarri në Prishtinë
Ish-presidenti brazilian Jair Bolsonaro mohon akuzat në gjyq...
Jo vetëm dy klubet e mëdha turke, por edhe gjiganti italian ...
Dushet me ujë të ftohtë nuk janë për të gjithë: Duhet t’i sh...
Kosova merr udhëheqjen një vjeçare të Fondit për Ballkanin, ...