Argjentina vazhdon përgatitjet për Kampionatin Botëror

16:13 | 2 Qershor 2018
Arbresh Info

Argjentina vazhdoi përgatitjet e tyre për Kampionatin Botëror edhe mëngjesin e sotëm (e shtunë) në kampin stërvitor të Barcelonës.

Lionel Messi dhe bashkëlojtarët e tij morën pjesë në një seancë stërvitore te gjiganti në La Liga në kampin stërvitor Joan Gamper, transmeton portali arbresh.info.

Sergio Aguero festoi ditëlindjen e tij të 30-të të shtunën dhe Messi postoi një foto të tyre së bashku në ‘Instagram Story’ me mbishkrimin: “Urime ditëlindjen”.Skuadra e Jorge Sampaoli ka kryer stërvitje të dyfishta të premten dhe pritet gjithashtu të stërvitet edhe mëngjesin e së dielës.

Messit i është dhënë një mirëpritje heroi kur arriti te Barcelona me skuadrën e Argjentinës të enjten. Një numër i madh tifozësh ishin mbledhur në aeroportin El Prat të qytetit katalunas.

Skuadra e Sampaolit do të vazhdojë qëndrimin në Barcelonë deri më 8 qershor para arritjes në Rusi për Kampionatin Botëror./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm