Google ADS

Arbnor Morina me lotë pas ndeshjes me Drenicën

15:34 | 5 Dhjetor 2020
Arbresh.info

Arbëria mposhti Drenicën në ndeshjen e sotme në kuadër të javës së 16-të në Superligë, shkruan Gazeta inFokus.

Skuadra nga Lipjani arriti të kalonte në epërsi krejt në fund të takimit falë golit të Hysen Bytyqit në mnutën e 88-të.

Pas kësaj fitore ka folur trajneri i nikoqirëve, Arbnor Morina, i cili mes lotësh ka kujtuar mikun e tij tashmë të ndjerë, Shefqet Sinanin.

“Jam i emocionuar sepse tashmë nuk ka se kush më thërret pas ndeshjes për të më pyetur se si shkoi ndeshja”, është shprehur Morina.

Kurse, sa i përket ndeshjes trajneri prishtinas ka thënë që skuadra e tij ishte me fat.

“Ndeshjen nuk e nisëm mirë dhe rrjedhimisht patëm një pjesë të parë jo të mirë. Në pjesën e dytë të lojës ndryshuam konceptin dhe mënyrën e lojës, me ç’rast erdhëm dhe deri te goli. Ndoshta edhe fati ishte në anën tonë, por këta djem e kanë merituar të kenë pak fat, pasi që nga ndeshja e parë gjithmonë kanë shfaqur më të mirën e tyre”, ka përfunduar Morina për ‘Art Sport’.

/Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm