Antonela: Mario Baloteli më ka shprehur pëlqimin e tij

21:09 | 16 Janar 2022
Lorik Gerbeshi

Antonela Berisha, ish-banorja e Big Brother, njihet nga të gjithë si një vajzë që shkakton polemika dhe debat kudo ku shkon.

Deklaratat e saj komentohen shpesh në rrjet, pasi Antonela nuk mendohet dy herë kur flet. Së fundmi një tjetër deklaratë e saj po bën xhiron e mediave.

E ftuar në emisionin “E diell”, Antonela është pyetur nga moderatorja se “cili person publik i ka shprehur dashurinë ose pëlqimin”.

Pa hezituar aspak, ish banorja VIP, ka thënë emrin e sulmuesit italian, Mario Balotelit. Ajo tregoi gjithashtu se me ish-futbollistin e Milanit dhe të Interit ishte takuar në Milano, madje dhe se ai kishte insistuar ta takonte.

“E kam takuar Balotelin në një lokal në Milano. Futi shokë që të më ngacmonte dhe u afrua. Erdhi më foli dhe bëmë muhabet vetëm 2 minuta dhe kaq. Më tha që je e gjatë, e madhe e gjëra të tilla. Kjo histori nuk vazhdoi pasi ai nuk është tipi im”, tha ajo.

Shpërndaje në rrjete sociale

Lajmet më të lexuara

Të ngjashme

Foto lajm