Google ADS

Anthony Davis kërkon largimin nga Pelicans, sytë nga Lakers

17:23 | 28 Janar 2019
Arbresh.info

Zërat për largimin e Anthony Davis nga New Orleans Pelicans po marrin formë pasi agjenti i lojtarit ka bërë të ditur se ai ka kërkuar largimin.

Davis u ka bërë të ditur udhëheqësve të Pelicans se nuk do ta vazhdojë kontratën e tij, sipas fjalëve të agjentit të tij.

Rich Paul, agjenti i lojtarit, ka thënë për “ESPN” se skuadra janë njoftuar nga Davis që nuk do të ketë vazhdim të kontratës dhe se ai dëshiron që të transferohet, transmeton lajmi.net.

Lojtari mësohet të ketë biseduar edhe me shokët e skuadrës rreth vendimit të tij, vendim ky jo edhe aq befasues.

Më herët është folur rreth një kalimi të mundshëm të AD në LA Lakers, ku do të bashkonte forcat me LeBron James, për tu kthyer në pretendent kryesor për titullin.

Mbetet të shihet se cili do të jetë vendimi i lojtarit për të ardhmen e tij. Ka shumë opsione në tavolinë.

Shpërndaje në rrjete sociale

Lajmet më të lexuara

Të ngjashme

Foto lajm