Mesfushori i Përfaqësueses së Kosovës në futboll, Anel Rashkaj mund të rikthehet një ditë të luaj në SuperLigën e Kosovës, përcjellë IndeksOnline.
27-vjeçari u përzgjodh nga trajneri Albert Bunjaki për ndeshjen kundër Turqisë, por për fat të keq ai nuk mundi të luaj për shkak të lëndimit që pësoi gjatë stërvitjeve.
Në një intervistë për “GazetaOlle”, Rashkaj ka hapur një mundësi rikthimi në futbollin kosovar.
“Nuk mundem me qenë në bisedime konkrete me askënd, asnjë klub, sepse jam lojtar i klubit suedez ende. Por për situatën kam marrë informacione si është gjendja. Në të ardhmen kam plan me u kthy”, ka thënë Rashkaj.
Ish-kapiteni i Përfaqësueses për momentin luan te skuadra suedeze, Eskilstuna ndërsa në të kaluarën ka qenë pjesë e KF Lirisë./IndeksOnline/
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
