Andy Murray e kumton lajmin e keq

17:18 | 2 Korrik 2018
Arbresh.info

Tenisti nga Mbretëria e Bashkuar nuk do të marrë pjesë në grandslamin që do të mbahet në Londër.

Andy Murray do të ndeshej në raundin e parë me zviceranin Stan Wawrinka, por vendosi që të tërhiqej pasi nuk ndihej në kushtet e duhura fizike.

“Kam marrë vendimin që të mos jem pjesë e Wimbledon. Kam bërë shumë progres javët e fundit, por ndjej që nuk jam gati për të luajtur ndeshje që zgjasin pesë sete. Do të nis stërvitjen për të qenë i gatshëm në US Open”, shkroi tenisti i famshëm në Facebook.

Murray ka pasur shumë probleme me lëndimet dy vitet e fundit dhe kjo ka bërë që të renditet tashmë në pozicionin e 157 në renditjen ATP.

Britaniku do të zëvendësohet në Wimbledon nga Jason Jung. Jo-Wilfried Tsonga dhe Tomas Berdych janë dy tenistë të tjerë që nuk do të marrin pjesë në Wimbledon.

 

Shpërndaje në rrjete sociale

Lajmet më të lexuara

Të ngjashme

Foto lajm