Andrea Stramaccioni rikthehet në Serie A

08:34 | 18 Prill 2018
Arbresh.info

Andrea Stramaccioni ka filluar ‘nxemjen’ për të marrë drejtimin e një tjetër skuadre, teksa këtë herë bëhet fjalë për një rikthim në Serinë A.

Ish trajneri i Interit është kontaktuar paraprakisht nga drejtuesit e Udineses, të cilët po mendojnë të shkarkojnë Oddon dhe dëshirojnë t’ia ofrojnë pankinën pikërisht Stramaccionit.

Udinese numëron 9 humbje radhazi dhe të mërkurën në mbrëmje mund ta çojë në 10 këtë shifër, pasi luan në transfertën e vështirë të ‘San Paulos’, ndaj Napolit.

Rezultatet e javëve të fundit kanë bërë që klubi friulian të përfundojë në zonën e ftohtë të renditjes, teksa në fundjavë do të presë Crotonen në një ndeshje direkte që do të vendosë shumë sa i përket qëndrimit të A.

Nga ana tjetër, Stramaccioni vjen pas një eksperiencë jo fort pozitive në kampionatin çek, te Sparta e Pragës dhe pankina e Udineses do të ishte një rikthim për të, pasi ka drejtuar friulianët edhe në sezonin 2014-2015.

Shpërndaje në rrjete sociale

Lajmet më të lexuara

Të ngjashme

Foto lajm