Vit i ri, jetë e re. Kjo është ajo që i uron vetes Andre Silva pasi e ka mbyllur vitin 2017-të duke qëndruar vazhdimisht në stol.
Rasti i duhur për të provuar të rishkruajë historinë e tij me kuqezinjtë mund të vijë të dielën e ardhshme. Gennaro Gattuso, në fakt, e ka provuar mes titullarëve në seancën e fundit stërvitore.
Kështu, sulmuesi portugez mund të kthehet titullar në kampionat pas pothuajse dy muajsh, nga ajo ndeshje Milan-Torino 0-0, që i kushtoi vendin trajnerit Montella.
Pasi ka lënë shenjën e tij në Europa League (6 gola në 6 ndeshje), tifozët presin që sulmuesi të jetë vendimtar edhe në kampionat.
Milan-i ka nevojë për golat e tij për të ngjitur pozicionet në renditje, ndërsa atij i duhen për të gjetur qetësinë dhe për të siguruar një vend në Kupën e Botës me Portugalinë e tij.
Everton, Wolverhampton, Barcellona, Arsenal dhe në fund Swansea. Një grup interesant skuadrash që janë interesuar për numrin 9 të kuqezinjve, por Milan nuk ka pranuar ta shesë.
Drejtuesit e “Djallit” janë të bindur se Andre Silva i vërtetë nuk është ai që është parë deri tani. Do t’i takojë ish-sulmuesit të Porto-s të tregojë se ata kanë të drejtë. Duke filluar që nga ndeshja kundër Cagliari-t. /Telesport/
Ministria e Mbrojtjes: Rreth 6500 vullnetarë rekrutohen në U...
Vengu: Regjimenti i Operacioneve Speciale, pjesë e stërvitje...
Kurti do të marrë pjesë në Forumin e Sigurisë së Varshavës
Ministrja Haxhiu inkurajon gratë të ndjekin rolet udhëheqëse
UEFA publikon formacionin e javës së parë të Champions Leagu...
Institutit i Krimeve të Luftës dhe ASK nënshkruan memorandum...