Google ADS

Ancelotti para sfidës me Barcelonën: Finalja do të jetë argëtuese

14:14 | 10 Janar 2025
K.B

Trajneri i Real Madridit, Carlo Ancelotti ka deklaruar se është i lumtur që skuadra e tij ka arritur në finalen e madhe të Superkupës së Spanjës.

“Los Blancos” të enjten mbrëma triumfuan ndaj Mallorcës me rezultat 3-0, duke siguruar një përballje në finale kundër rivalëve të përbetuar, Barcelonës.

Strategu italian e konsideron sfidën me Barcelonën si një ndeshje të paparashikueshme. Sipas tij, ndonëse është e vështirë të parashikohet se si do të zhvillohet finalja, ajo pritet të jetë argëtuese.

“Në kohët e fundit, ‘El Clasico’ ka qenë gjithmonë i paparashikueshëm. Ka pasur ndeshje që ne i kemi fituar lehtësisht dhe të tjera ku kemi humbur 0-4,” ka thënë Ancelotti.

“Është e vështirë të dihet si do të shkojë finalja, por ajo do të jetë argëtuese, pasi në fushë do të ketë shumë talent. Ne do të përpiqemi të bëjmë më mirë se Barcelona,” ka përfunduar trajneri italian.

Finalja mes Real Madridit dhe Barcelonës do të luhet të dielën, në orën 20:00./rtk

Shpërndaje në rrjete sociale

Lajmet më të lexuara

Të ngjashme

Foto lajm