Real Madridi u ndal me barazim 1-1 në ndeshjen hapëse të La Ligas ndaj skuadrës së Mallorcës.

Një gol i Vedat Muriqit i prish shumë punë Realit të cilit ia pamundësoi nisjen më të mirë kampionëve aktual të La Ligas, shkruan Arbresh.info.

Pas ndeshjes Ancelotti për media tha se nuk është i kënaqur me ndeshjen pasi mund të kishin bërë më mirë.

“Nuk jam i kënaqur me ndeshjen sepse mund të kishim bërë më mirë. Ne duhej të tregonim më shumë qëndrim”, ka thënë Ancelotti.

Tutje u shpreh se ai nuk do justifikime dhe u shpreh se ndeshjen mund ta kishin humbur.

“Por, nuk dua të kërkoj justifikime. Është një ndeshje që mund ta kishim humbur për shkak të mungesës së përqendrimit sidomos në minutat e fundit”, shtoi ai.

Në fund tha se pas kësaj ndeshje ai e ka të qartë se ku ka probleme skuadra e tij.

“Kjo ndeshje mund të na ndihmojë të mësojmë shumë, është një ndeshje mjaft e qartë ku kemi pasur probleme”, deklaroi trajneri italian.

Ndeshja e radhës e ‘Los Blancos’ në La Liga është kundër Real Valladolidit me 25 gusht./Arbresh.info