Ancelotti mund të kthehet te Paris Saint-Germain?

15:09 | 4 Dhjetor 2019
A. B.

Trajneri i Napolit, Carlo Ancelotti mund të kthehet te Paris Saint-Germain verën e ardhshme, shkruajnë mediat franceze.

Pozita e Ancelottit po bëhet më pak e sigurt me secilën ditë që po kalon, ndërsa humbja 2-1 e Napolit ndaj Bolognas fundjavën e kaluar, është një varg i rezultateve të dobëta.

Është folur që 60-vjeçari mund të pushohet nga puna dhe në vend të tij mund të vije Gennaro Gattuso.

Foot Mercato shkruan se Ancelotti mund të kthehet te PSG si zëvendësim për Thomas Tuchelin, i cili është i lidhur me një kalim te Bayern Munich.

Po ashtu shkruhet se lojtarë si Thiago Silva dhe Marco Verratti po flasin në dhomat e zhveshjes për rikthimin e Ancelottit.

Ish-trajneri i Milanit i trajnoi parisienët për 18 muaj, nga janari 2012 deri në qershor 2013, duke fituar një titull të Ligue 1.

Ai më pas shkoi te Real Madridi, ku e fitoi Ligën e Kampionëve. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm