Ancelotti: Lojtarët janë të gatshëm të vdesin për Gattuson

11:50 | 20 Shkurt 2018
Arbresh.info

Trajneri italian, Carlo Ancelotti, ka deklaruar se Genaro Gattuso është zemra e Milanit dhe se futbollistët e tij do të bëjnë gjithçka për të.

Gattuso u emërua si trajneri i Milanit në muajin nëntor, pas shkarkimit nga detyra e trajnerit, Vincenzo Montella.

Të gjithë kishin dyshime se a është njeriu i duhur për ta udhëhequr Milanin dhe se a do të ketë sukses.

Por, ai e ka transformuar Milanin dhe i ka regjistruar shtatë fitore dhe tri barazime në 10 ndeshjet e fundit në të gjitha garat.

“Të jem i sinqertë, shpresoja se Gattuso do të bënte mirë, por s’isha i sigurt”, ka thënë Ancelotti për Gazetta dello Sport.

Ai thotë se Gattuso i ka tejkaluar vështirësitë dhe se lojtarët i ndjekin urdhrat e tij.

“Gattuso është shpirti i Milanit. Lojtarët po e vënë energjinë dhe dijen në dispozicion të ekipit për të arritur sukses. Kjo është rruga e duhur”, ka thënë ai. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm