Trajneri i Real Madridit, Carlo Ancelotti e ka cilësuar mesfushorin Dani Ceballos si “të paprekshëm”, pavarësisht se 26-vjeçari ka luajtur vetëm katër herë në La Liga deri më tani këtë sezon.
Ceballos ka luftuar për një vend në skuadrën e Real Madridit që kur u transferua në “Santiago Bernabeu” nga Real Betis në vitin 2017 dhe gjithashtu kaloi dy vjet në huazim te Arsenali.
Kontrata e tij përfundon në fund të sezonit, gjë që rriti mundësinë e një shitjeje këtë muaj për të mos e lënë atë të largohet me parametra zero në verë.
Por Ancelotti duket i vendosur të mbajë Ceballos, i cili në fakt ka qenë titullarë në të dyja fitoret e fundit të Realit në La Liga.
“Ai është një lojtar i paprekshëm”, tha Ancelotti.
“Është e vërtetë që ai nuk ka luajtur shumë, por në këtë pikë të sezonit ne kemi nevojë për të gjithë dhe shpresojmë se ai mund të marrë pjesë më shumë në këto ndeshje që po vijnë”, shtoi më tej trajneri i Realit.
Një tjetër nga lojtarët rezervë të Realit pa kontratë në fund të sezonit është Nacho, tani në vitin e tij të 23-të me klubin, pasi iu bashkua radhëve të rinjve në vitin 2001.
Mbrojtësi 33-vjeçar filloi vetëm ndeshjen e tij të dytë në La Liga të sezonit kundër Athletic Bilbaos pasi Reali mbajti portën e pastër në “San Mames”, për të qëndruar brenda tre pikëve diferencë nga Barcelona në krye të tabelës.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...