Amorim i zhgënjyer me futbollistët e tij, kjo është arsyeja

23:08 | 5 Janar 2025
D.H

Manchester United pati paraqitje të mirë në “Anfield Road” duke marrë një barazim 2-2 ndaj Liverpoolit.

Në një intervistë pas ndeshjes për Sky Sports, Amorim nuk mundi ta fshehë zemërimin e tij ndaj lojtarëve pasi ata dështuan të dhurojnë paraqitje të ngjashme ndaj skuadrave të tjera në Premier League.

“Mendoj se ndihem më i zemëruar për shkak të ndeshjeve të kaluara, kështu që është shumë e vështirë t’i kuptosh disa gjëra”.

“Ishte një pikë, ata e merituan këtë pikë, por është vetëm një pikë. Mendoj se ne duhet të ndihemi të zemëruar dhe të zhgënjyer, më shumë se sa për ndeshjet ndaj Bournemouth, Newcastle dhe Nottingham Forest”, ka thënë Amorim.

“Nëse luajmë ndaj Liverpoolit çdo ditë, ne do ta bëjmë këtë, kështu që duhet ta bëjmë ndaj çdo kundërshtari”.

“Ne duhet të luftojmë shumë për të dalë nga kjo situatë dhe më pas të luajmë në një mënyrë të veçantë në disa momente të ndeshjes, ne tashmë e kemi dëshmuar në ndeshjet e kaluara se mund ta bëjmë këtë”, përfundoi ai.

Shpërndaje në rrjete sociale

Lajmet më të lexuara

Të ngjashme

Foto lajm