Massimiliano Allegri ka lavdëruar sulmuesin Cristiano Ronaldo për profesionalizmin e tij qysh pas arritjes nga Real Madridi në fillim të verës për 100 milionë euro.

Kampioni në fuqi italian ka fituar dhjetë ndeshje radhazi brenda të gjitha kompeticioneve, përfshirë fillimin perfekt në sezonin e tyre në ligë, transmeton portali arbresh.info.

Ronaldo ka qenë njëri nga lojtarë kyç në këtë start të shkëlqyer nga Juventusi dhe ka shënuar katër herë brenda tetë ndeshjeve në ligë deri tani duke mbajtur “Zonjën e Vjetër” me gjashtë pikë të pastra para Napolit.

Dhe Allegri beson se Ronaldo ka luajtur një rol kyç duke mbajtur të fokusuar skuadrën derisa ata janë në kërkim të trofeut të tetë radhazi në ligë.

“Cristiano është shumë i qetë dhe është duke punuar mirë”, ka thënë fillimisht trajneri Juves. “Cristiano është shumë modest dhe ka sjellë edhe më shumë fokus dhe një sens të përgjegjësisë në skuadër”

“Përveç golave, të cilat i shënon më së miri, ai është i mrekullueshëm edhe në krijimin e asistimeve”

Ronaldo pritet të jetë startues për ndeshjen e tyre në shtëpi ndaj Genoas pasi shënoi gjithashtu në fitoren 2 me 0 ndaj Udineses pavarësisht akuzave të rënda për përdhunim.

Allegri do të jetë në mungesë të Paulo Dybalas ndërkohë që Douglas Costa pritet të rikthehet pas qëndrimit për tri ndeshje jashtë fushe si pasojë pështyrjes së një lojtari në fytyrë.

Sidoqoftë, 51-vjeçari ka kërkuar nga lojtarët e tyre të kenë qëndrimin e duhur edhe në takimin kundër Genoas./arbresh.info/