Juventusi ka marrë një tjetër dënim, tani duke iu hequr 10 pikë pasi Gjykata Federale e Apelit dha verdiktin e saj për skandalin e fitimeve kapitale.
Ky vendim erdhi vetëm një orë para fillimit të ndeshjes ndaj Empolit dhe për gjithë futbollistët e Juventusit ishte një lajm shokues ku pastaj edhe e humbën ndeshjen me rezultat të thellë 4-1.
I zhgënjyer nga ky vendim ka mbetur trajneri i Juventusit, Massimiliano Allegri skuadra e të cilit tani e sheh vetën jashtë pozitës për Ligën e Kampionëve.
Allegri ka thënë se për fatin e Juventusit po vendosin ata sipër tyre (duke iu referuar federatës dhe gjykatave).
“Ata sipër vendosin se në çfarë vendi do të renditet Juventus, kjo është e gjithë historia. Por, në këtë pikë është e tepruar, ka një mungesë të theksuar respekti për njerëzit që punojnë çdo ditë për klubin”.
“Futbollistët e gjeten veten me 10 pikë më pak, 10 minuta para ndeshjes me Empolin. Është normale që u goditën psikologjikisht, ndikon edhe skualifikimi nga Sevilla në Ligën e Evropës”.
“I pashë djemtë në stërvitje dhe ata ishin “bosh”, shumë ndryshe nga herët e tjera”, deklaroi Allegri.
Pas dënimit nga gjyakata, Juventus tani zë vendin e shtatë në tabelë dy xhiro para fundit të kampionatit me 59 pikë, pesë më pak se Milani që renditet në vendin e katërt në tabelë. /Telegrafi/
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas
Conrad: Partneriteti me Kosovën, dëshmi e miqësisë së qëndru...