Ylli i Manchester United, Alexis Sanchez është duke u kërkuar nga Paris Saint Germaini për transferim gjatë verës së ardhshme.

Anësori 29-vjeçar ishte vëzhguar nga kampioni i Ligës 1 vitin e kaluar, por ai vendosi t’i bashkohej “Djajve të Kuq” nga Arsenali, transmeton portali arbresh.info.

Ai ka pasur probleme të shumta qysh pas arritjes së tij në OLd Trafford dhe është lënë në bankinë disa herë nga trajneri i United, Jose Mourinho. Ylli kilian fiton 505 mijë funta në javë dhe deri tani është lojtari më i paguar në skuadrën e Manchester United.

Paris Saint Germaini do të dëshironte të merrte nga duart e tyre Sanchezin dhe ata mund të sigurojnë shërbimet e tij dukshëm më lirë ose madje edhe falas.

Mësohet se ideja për transferimin është diskutuar edhe me hierarkinë e United.

Gjiganti francez pritet të humb ose Neymarin ose Kylian Mbappen verën e ardhshme dhe atyre do t’i duhet një superyll zëvendësues, transmeton portali arbresh.info.

“Këtu ka pasur zëra që PSG dëshiron të marrë Alexisin nga klubi verën e ardhshme”, i ka thënë një burim në Old Trafford tabolidit anglez ‘The Sun’. “Nuk është sekret që ai ka pasur vështirësi dhe nuk ka përmbushur pritshmëritë. Ai nuk po bëhet më i mirë dhe mund të mos funksionoj kurrë për të”

“Ka pasur interesim për të edhe para se të nënshkruante me klubin, por ai preferoi qëndrimin në Angli atë kohë. Kjo mund të ketë ndryshuar tani”

“Njëri nga top yjet e tyre mund të largohet dhe nuk është e pamundshme që një marrëveshje të arrihet mes klubeve”

Sanchez ka realizuar vetëm tri gola për Manchester United brenda 19 paraqitjeve në Premierë Ligë.

Ai iu bashkua “Topçinjve” verën e kaluar si pjesë e marrëveshje që dërgoi në Emirates mesfushorin Henrikh Mkhitaryan./arbresh.info/