Akil Gjakova mposhtet në çerekfinale, por mbetet ende në garë për medalje olimpike

08:06 | 26 Korrik 2021
KRG

Akil Gjakova është mundur në çerekfinale të kategorisë deri në 73 kilogramë në Lojërat Olimpike, “Tokyo 2020”.

Ai u mund nga xhudisti nga Mongolia, Tsogtbaatar Tsend-Ochir në vazhdime, pasi katër minutat e rregullt nuk prodhuan një fitues.

Megjithatë, Akili mbetet në garë për medaljen e bronztë. Ai në raundin e parë të repesazhit do të përballet me xhudistin nga Azerbajxhani, Rustam Orujov.

Akili triumfoi në raundin e tretë ndaj xhudistit suedez, Tommy Macias, duke u kualifikuar në çerekfinale.

Ai në raundin e dytë pati punë me xhudistin zviceran, Nils Stump, të cilin e mposhti me IPPON, duke u kualifikuar tutje.

Në raundin e parë, Akili fitoi me IPPON pas 16 sekondave ndaj xhudistit nga Jemeni, Ahmed Ayash.

Kujtojmë se në të njëjtën kohë po garon edhe motra e Akilit, Nora Gjakova. Ajo është kualifikuar në gjysmëfinale në kategorinë deri në 57 kilogramë. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm