Akil Gjakova kalon në finalen e madhe të Kampionatit të Hapur Evropian

13:52 | 16 Dhjetor 2023
E.K

Xhudisti jonë, Akil Gjakova ka siguruar medaljen tashmë pasi ka kaluar në finalen e madhe në Kampionatin e Hapur Evropian që po mbahet në Prishtinë.

Akili ka marrë edhe fitoren e katërt ditën e sotme, duke fituar gjysmëfinalen e kategorisë deri në 73 kilogramë.

Xhudisti pejan në gjysmëfinale arriti të mposht xhudistin Petru Pelivan nga Moldavia.

Në finale, Gjakova do të ndeshet me italianin Manuel Lombardo, i cili më herët mposhti xhudistin tjetër nga Kosova, Dardan Cena.

Ndryshe, në Kampionatin e Hapur Evropian do të dhurohet gjithsej 300,000 euro për kategori peshe.

Dy fituesit e medaljeve të arta do të marrin secili nga 55,000 euro, finalistët nga 35,000 euro secili dhe xhudistët e vendit të pestë do të marrin secili nga 10,000 euro. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm