Google ADS

Akanji flet për çështjen e titullit kampion: Tani nuk është qëllimi ynë

19:27 | 26 Dhjetor 2024
D.H

Manchester City nuk ka arritur të marrë më shumë se një barazim 1-1 ndaj Evertonit në kuadër të Premier League.

Pas ndeshjes mbrojtësi zviceran, Manuel Akanji foli për shpresat e Cityt për titull kampion, shkruan Arbresh.info.

“Sezoni nuk ka përfunduar ende, por tani nuk është qëllimi ynë. Ne duhet të fokusohemi në çdo ndeshje dhe ndeshja e ardhshme kundër Leicester do të jetë gjithashtu e vështirë, duke pasur parasysh formën tonë.

“Duhet të përqendrohemi te gjërat pozitive. Ne bëmë shumë gjëra mirë. Ne u mbrojtëm mirë dhe sulmuam mirë, por nuk mundëm ta përfundonim ndeshjen ashtu siç donim. Përndryshe, do të kishim shënuar tre ose katër gola”, tha mbrojtësi i Manchester Cityt për Amazon Prime.

City aktualisht është i shtatti në tabelë me 28 pikë, 11 më pak se Liverpooli që është liderë dhe ka dy ndeshje ma pak të luajtura.

Kujtojmë se Man City është kampion i Premier Leagues për katër sezone me radhë./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm