Aguero do të largohet nga Man City, zbulohen klubet e interesuara për të

22:28 | 30 Mars 2021
Arditë Shkodra

Sergio Aguero njoftoi se po largohet nga Manchester City si një agjent i lirë, kështu që Inter, PSG, Juventus dhe Barcelona janë disa prej klubeve ku ai mund të transferohet.

Reprezentuesi i Argjentinës mbush 33 vjeç në qershor dhe do të largohet pas një dekade në Manchester City, transmeton lajmi.net.

Sipas Footmercato në Francë, agjenti i Aguero tashmë ka marrë pesë oferta zyrtare.

ESPN thotë se Juventusi është gjithashtu në garë, me Barcelonën dhe PSG-në.

Megjithatë, burimet spanjolle sugjerojnë që Barça nuk do të bëjë një ofertë, sepse trajneri, Ronald Koeman, nuk mendon se Aguero do të përshtatet me ekipin e tij.

Aguero bëri vetëm 14 paraqitje zyrtare për Manchester City këtë sezon, duke shënuar tri gola.

Shpërndaje në rrjete sociale

Lajmet më të lexuara

Të ngjashme

Foto lajm