Agjenti Fali Ramadani është nën hetim për evazion fiskal të dyshuar dhe pastrim parash dhe hetuesit po kërkojnë disa transferime, duke përfshirë kalimin e Kalidou Koulibaly në Napoli dhe anulimin e kontratës së Maurizio Sarri me këtë skuadër.
Agjentët e Guardia di Finanza – Policia Financiare e Italisë – kanë trokitur në derën e nëntë klubeve të Serisë A (Inter, Milan, Juventus, Verona, Fiorentina, Napoli, Torino, Cagliari dhe Roma) dhe dy të Serisë B (Frosinone dhe SPAL) për të të marrë email dhe dokumente në lidhje me komunikimet mes tyre dhe agjentëve Fali Ramadani dhe Pietro Chiodi, përcjell GazetaBlic Sport.
Transferimet e Federico Chiesa nga Fiorentina te Juventusi dhe Miralem Pjanic nga Juve te Barcelona janë duke u shqyrtuar nga hetuesit.
Prokurori Publik i Milanos beson se Ramadani ka marrë komisione nga këto transferta duke kryer evazion fiskal për 7 milionë euro.
Sidoqoftë, sipas Il Corriere della Sera (siç citohet nga Calciomercato.com), hetuesit po kërkojnë më shumë marrëveshje midis agjentit dhe klubeve të tjera të Serisë A.
Këto përfshijnë kalimin e Kalidou Koulibaly nga Genk te Napoli në 2014 dhe ndërprerjen e kontratës së Maurizio Sarri me Partenopei në 2018, përpara emërimit të italianit si trajner i Chelseat.
Interit i janë kërkuar dokumente në lidhje me zgjatjen e kontratës së Samir Handanovic, ndërsa Milani do të duhet të japë detajet financiare të nënshkrimit të Ante Rebic nga Eintracht Frankfurt.
Lëvizjet e Nikola Kalinic te Roma dhe Hellas Verona janë gjithashtu duke u shqyrtuar, njësoj si kalimi i Karlo Butic në Torino në 2018 dhe transferimi i Lorenco Simiç në SPAL. Asnjë nga klubet nuk është nën hetim.
Mbappe merr një vendim të çuditshëm për karrierën e tij që k...
Yakin deklarohet pas humbjes ndaj Serbisë – flet edhe për pa...
Admirali Munsch tregon nëse do të ketë shtim të trupave të K...
KEDS tregon se ku do të ketë ndërprerje të rrymës sot
Harris me presion ndaj Trump për shëndetin e tij: Nuk dihet ...
Banorët e Karaçevës, të shqetësuar për të ardhmen e tyre