Mbrojtësi i Barcelonës, Xavier Mbuyamba është gjithmonë e më afër largimit nga “Camp Nou”.

Skuadrat e mëdha evropiane duke përfshirë Real Madrid, Juventus, Inter dhe Chelsea janë duke pasur interesim të madh për holandezin, transmeton portali arbresh.info.

Interesimin e klubeve e ka konfirmuar agjenti i lojtarit, Carlos Barros, i cili gjithashtu ka zbuluar se “Blutë” e Londrës prijnë garën.

“Gati të gjithë top klubet e Evropës kanë pyetur për Xavier. Edhe Real Madrid është seriozisht i interesuar, por padyshim që do ishte transferim delikat për të punuar”.

“Juventus dhe Inter janë të interesuara, njësoi si klubet më të mira në Gjermani dhe Angli”.

“Sidoqoftë, Chelsea është favorit. E kemi diskutuar vitin e kaluar dhe klubi ka prezantuar një plan mjaftë ambicioz për Xavier”.

“Frank Lampard ka dëshmuar se nuk frikësohet për t’i vendosur në lojë lojtarët e rinj dhe do të jetë fantastik për të filluar në formacionin e parë në moshën 20-vjeçare”, deklaroi ai.

Pritet të shihet se cila nga skuadrat do arrijë të fitojë shërbimet e talentit holandez./arbresh.info.