Google ADS

Afrim Tovërlani e ‘zbulon’ kampionin e Kosovës

17:20 | 11 Prill 2018
Arbresh.info

Afrim Tovërlani ka folur për garën e ashpër që po zhvillohet për titull të kampionit të Kosovës. Drita dhe Prishtina janë duke zhvilluar garë të “nxehtë” për titull.

Trajneri i njohur i futbollit të Kosovës ka thënë se Drita tashmë është më afër titullit. Sipas tij, gjasat e gjilanasve janë 55 për qind, derisa ato të Prishtinës janë 45 për qind.

“Nëse deri para një muaji Prishtina ka qenë më afër, tash mendoj se është Drita. 55 për qind janë gjasat e Dritës, 45 për qind të Prishtinës”, ka thënë Tovërlani për RTKlive.com.

Ish-trajneri i disa skuadrave elitare nuk e përjashton mundësinë që edhe përballja mes Prishtinës dhe Dritës të vendosë për titullin e kampionit.

“Mund të vendosë edhe përballja mes tyre, nëse Drita ka karakter ta mbajë deri në fund këtë ritëm”, ka theksuar Tovërlani.

Ai ka shtuar se, skuadrat tjera që deri para pak javësh ishin në garë për kreun e tabelës, tashmë kanë humbur hapin në ‘luftën’ për titull të kampionit.

 

Shpërndaje në rrjete sociale

Lajmet më të lexuara

Të ngjashme

Foto lajm