Presidenti i Federatës së Futbollit të Kosovës (FFK), Agim Ademi, e ka përshëndetur vendimin e Gjykatës Supreme për ta shpallur ta pavlefshëm dënimin e tij me nëntë muaj burgim dhe për ta kthyer tërë lëndën në rigjykim, duke pretenduar se kjo e vërtetën pafajësinë e tij për akuzat për veprën penale detyrim në tentativë.
Në korrik të vitit 2019 Ademi u dënua nga Gjykatës Themelore të Prishtinës me nëntë muaj burgim për një vepër penale nga viti 2012, që nuk kishte ndërlidhje me futboll, dhe vendimi i gjykatës u mbajt në fuqi edhe nga Gjykata e Apelit në shkurt të këtij viti, pas ankesës së Ademit, raporton Gazeta Express.
Në lidhje me këtë, Ademi ka thënë për uebsajtin e FFK-së: “Me aktgjykimin e Gjykatës Supreme të Kosovës, sot u konfirmua pafajësia ime në lidhje me pretendimet e pabazuara të Prokurorisë së Republikës së Kosovës. Me këtë aktgjykim, u konfirmuan shkeljet e shumta në të cilat ishin përfshirë Gjykata Themelore në Prishtinë dhe Gjykata e Apelit të Kosovës, të cilat padrejtësisht më shpallen fajtor në lidhje me veprën penale që pretendohej nga prokuroria.”
Numri një i shtëpisë së futbollit kosovar, shtoi: “Që nga fillimi i këtij procesi penal, kam qenë i bindur në pafajësinë time dhe besimin në drejtësi, të cilën e vërtetoi edhe Gjykata Supreme e Republikës së Kosovës, me kthimin e çështjes në rivendosje. Besimi im në organet e drejtësisë së Republikës së Kosovës nuk ka munguar asnjëherë, ashtu që ky besim më është shtuar pas këtij vendimi të drejtë dhe të ligjshëm për të cilin u njoftova sot.”
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3