Presidenti i Real Madridit, Florentino Perez ka zbuluar se asnjë ofertë nuk ishte shtruar për superyllin Cristiano Ronaldo para largimit të tij nga Juventusi këtë verë.

Ronaldo u largua për një tarifë prej 100 milionë euro duke iu bashkuar Juves, por fillimi i sezonit nuk ka shkuar ashtu siç ka planifikuar fituesi i pesëfishtë i Topit të Artë, transmeton portali arbresh.info. Pas tri ndeshjeve, ai gjeti përfundimisht portën te “Zonja e Vjetër” javën e kaluar kundër Sassuolos, por u ndëshkua me karton të kuq në Ligë të Kampionëve mbrëmjen e së mërkurës në Mestalla kundër Valencias.

Perez së fundmi ka dhënë një intervistë për ‘Daily Express’ duke folur për Ronaldon dhe me këtë rast ka zbuluar se ‘Los Blancos’ nuk kanë pranuar ndonjë ofertë për Ronaldon verën e kaluar, ashtu siç raportohej që Manchester United ishte gjithashtu i interesuar për rikthimin e tij në Old Trafford.

“Real Madridi do të jetë gjithmonë në shtëpia e tij. Cristiano ka qenë më i mirë që nga Di Stefano dhe ai dëshironte të largohej për arsye personale. Askush nuk ka mbledhur ndonjëherë më shumë se 100 milionë euro me një shitje në Madrid”

“Ai dëshironte të largohej dhe ai përfundimisht e bërë atë për atë shifër. E vërteta është se ne nuk kishim oferta të tjera”

Pas kartonit të kuq, Ronaldo pritet të mungoj në ndeshjen ndaj Young Boys por të rikthehet në takimin kundër “Djajve të Kuq” në Old Trafford./arbresh.info/