Ish-kampioni i botës në boksin e peshave të rënda, Deontay Wilder, u arrestua herët të martën në Los Anxhelos për posedim të një arme të fshehur.

Departamenti i Policisë së Los Angelesit njoftoi se Wilder, 37 vjeç, u arrestua në orën 1:15 të mëngjesit me orën lokale të së martës në mëngjes, shkruan ESPN.

Ai u lirua me një garanci prej 35 mijë dollarësh rreth pesë orë më vonë. Akuza është cilësuar si krim.

Oficerët e ndalën Wilderin në Hollywood për shkak të xhamave të lyer në mënyrë të paligjshme dhe një targa të penguar në Rolls Royce të tij.

TMZ raporton se oficerët morën erë marihuanë gjatë ndalimit dhe gjetën një 9mm në kontrollin që pasoi në automjet.

Wilder, (43-2-1, 42 KO) i cili kohët e fundit ka qenë i lidhur me një ndeshje të mundshme boksi kundër Anthony Joshua të Anglisë më vonë këtë vit, duket se ka adresuar arrestimin në një postim në mediat sociale të martën.

“Më mirë të jem i sigurt sesa të më vjen keq. Fundi,” shkroi ai në Twitter .

Me origjinë nga Tuscaloosa, Wilder është një ish-medalist i bronzit olimpik. Karriera e tij profesionale njihet më së shumti për një trilogji të suksesshme kundër Tyson Fury, e cila u zhvillua nga viti 2018 deri në 2021./Arbresh.info/