United pëson humbje nga Wolverhampton në Old Trafford

20:42 | 3 Janar 2022
KRG

Manchester United ka pësuar humbje pas gjashtë ndeshjeve në elitën e futbollit anglez, Ligën Premier.

Djajtë e Kuq janë befasuar në Old Traford nga Wolverhampton Wanderers, pasi kanë pësuar humbje me rezultat minimal 0-1.

Përkundër rasteve të mira nga të dyja skuadrat, 45 minutat e kësaj ndeshje përfunduan ashtu siç filluan, pa gola o-0.

Edhe në pjesën e dytë dy skuadrat patën raste të mira shënimi, por u desh të pritej fundi i ndeshjes për ta parë golin e vetëm.

Ishte minuta e 82-të, kur mesfushori portugez Joao Moutinho realizoi një gol të bukur për 0-1.

LEXO EDHE:

Wolves befason Manchester United, kalon në epërsi në fund të ndeshjes

Vendasit tentuan deri në fund të bënin diçka më shumë, por nuk ia arritën të shënonin golin e barazimit dhe Wolves mori tri pikë të mëdha në Old Traford.

Pas kësaj humbje, United mbetet në vendin e shtatë në tabelë me 31 pikë, derisa Wolves ndodhet një pozitë më poshtë me tri pikë më pak.

Ndeshjen e ardhshme Manchester United e luan në udhëtim te Aston Villa, derisa Wolves pret Southamptonin.

Shpërndaje në rrjete sociale

Lajmet më të lexuara

Të ngjashme

Foto lajm