Bayern Munich nesër luan sfidën kthyese të fazës së 1/8 të finales në Champions League, ndaj Lazios.
Para ndeshjes trajneri bavarez, Thomas Tuchel theksoi do të jetë një ndeshje shumë e vështirë, shkruan Arbresh.info.
Ai tha më tej se është shumë e vështirë t’i shënosh dy gola një skuadre italiane.
“Do të jetë një ndeshje e vështirë, duhet të përmbysim një disavantazh. E dimë sa e vështirë është që t’i shënosh dy gola një skuadre italiane, aq më tepër një ekipi që drejtohet nga Sarri”, tha fillimisht Tuchel.
Teksa vazhdoi duke thënë se ndeshjet e kampionatit nuk kanë të bëjnë me Champions dhe do të luajnë një lojë agresive.
“Paraqitjet në kampionat nuk ndikojnë në Champions League, do të tentojmë të jemi më agresivë në fushë, po ashtu duhet të tregojmë shumë pasion përgjatë gjithë 90 minutëshit. Skuadra ka pësuar më shumë seç duhet, megjithatë në ndeshjen e parë e kontrolluam mirë Immobilen. Nuk jam i surprizuar nëse Lazio vendos të luajë me kundërsulme”, u shpreh Tuchel.
Bayern Munich sfidën e parë në Itali ndaj Lazios e humbi me rezultat 1-0 dhe i duhet një fitore prej dy ose më shumë golash që të kualifikohet në çerekfinale të Champions League./Arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...