Presidenti i Komitetit Olimpik të Evropës, Spyros Capralos, i shoqëruar nga sekretari i përgjithshëm, Raffaelo Pagnozi, kanë vizituar sot Komitetin Olimpik të Kosovës, me rastin e vizitës që po e bëjnë në Republikën e Kosovës.
Drejtuesit e EOC-ut, u pritën nga krerët e KOK-ut, presidenti Ismet Krasniqi dhe sekretari i përgjithshëm, Besim Aliti, ndërsa të pranishëm në takim ishin edhe udhëheqësit e KOKSh-it, presidenti Fidel Ylli dhe sekretari i përgjithshëm, Gerti Shima, të cilët e shoqëruan nga vizita që kishte Capralos në Shqipëri, përcjell Arbresh.info.
Presidenti i KOK-ut të Kosovës, Ismet Krasniqi, ka falënderuar presidentin Capralos për vizitën ka shprehur mirënjohjen për bashkëpunimin dhe përkrahjen e fuqishme që EOC po e jep për KOK-un në projekte të ndryshme.
I pari i KOK-ut e njohu edhe me sfidat dhe sukseset e vazhdueshme të Komitetit Olimpik, me theks të veçantë tri medaljet e arta olimpike në vetëm dy pjesëmarrje në Lojërat Olimpike, si dhe suksesin e fundit, marrjen e organizimit të Lojërave Mesdhetare Prishtina 2030.
Presidenti Capralos, pasi vizitoi zyret e reja të KOK-ut, përgëzoi presidentin Krasniqi për sukseset e arritura, duke theksuar se suksesi i sportistëve tanë, veçanërisht atyre të xhudës është storje suksesi edhe për Komitetet e fuqishme Botërore.
Capralos vlerësoi lart edhe projektet e KOK-ut, promovimin e vlerave olimpike, si dhe Lojërat Mesdhetare Prishtina 2030.
Për fund, u shkëmbyen edhe dhurata mes palëve.
Capralos, nesër do të pritet nga kryeministri Albin Kurti dhe ministri për Kulturë, Rini e Sport, Hajrullah Çeku./Arbresh.info/
Real Madrid publikon 11-shen startuese ndaj Alaves
Gërvalla: Kosova dhe Greqia, në rrugën e forcimit të marrëdh...
“Gjaku i tij u bë dritë e liri”, djali i heroit ...
Kurti takon ministren e Arsimit të Bosnjës, diskutojnë mundë...
Shqipëria U-15 barazon në miqësore me Malin e Zi
Vrasja e Afrim Bunjakut një vit më parë në Banjskë, Ministri...