Marsch favorit për të marr drejtimin e Kombëtares amerikane

22:39 | 29 Prill 2023
Orgesa Haziri

Kombëtarja e Shteteve të Bashkuara pritet të emërojë Jesse Marsch si trajner të përhershëm.

USMNT ka përcaktuar se Marsch është kandidati më i mirë për të plotësuar pozicionin e menaxherit afatgjatë, sipas 90min.

Marsch, i lindur në Wisconsin, ka qenë pa punë që kur Leeds e pushoi atë në fillim të këtij viti.

Lidhja e tij personale me drejtorin e ri sportiv të US Soccer, Matt Crocker , thuhet të jetë një faktor në emërimin e tij të afërt.

Futbolli amerikan ka kaluar katër muajt e fundit duke adresuar polemika dhe duke u marrë me largimet e figurave të shquara.

Marsch ende nuk ka nënshkruar ndonjë kontratë me USMNT, kështu që lëvizja nuk është një marrëveshje e përfunduar.

Por thuhet se ai është në prag të bashkimit me Stars and Stripes në vend të Anthony Hudson pas ndeshjeve të Ligës së Kombeve në qershor./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm