Kërcënohen gjyqtarët, anulohet ndeshja në Shqipëri

16:28 | 9 Prill 2023
Orgesa Haziri

Përballja ndërmjet Kastriotit dhe Bylisit, e cila ishte paraparë të zhvillohej të shtunën në kuadër të Kategorisë Superiore është anuluar.

Federata shqiptare ka konfirmuar se kjo ndeshje do të shtyhet pasi janë kërcënuar gjyqtarët.

“Ndeshja Kastrioti-Bylis e planifikuar për t’u zhvilluar ditën e sotme në stadiumin e Kamzës nuk do të zhvillohet. Ditën e djeshme arbitrat e ndeshjes janë kërcënuar dhe kjo ngjarje është duke u hetuar nga organet kompetente. Federata e Futbollit është njohur me vendimin e të gjithë klasës arbitrale, që nuk pranon të marrë përsipër drejtimin e ndeshjeve të Klubit Kastrioti për shkak të presioneve dhe shantazheve të vazhdueshme”, thuhet në njoftim.

Një incident i tillë kishte ndodhur edhe javën e kaluar ku në ndeshjen Kastrioti – Laçi gjyqtarët e ndeshjes janë kërcënuar me jetë dhe janë detyruar të anulojnë një gol për skuadrën e Laçit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm