Arthur Melo e ka konfirmuar se do të largohet nga Liverpool në fund të sezonit.

Mesfushori brazilian u transferua në Anfield verën e kaluar në një marrëveshje fillestare huazimi me një opsion për blerje.

Pasi ka kaluar një kohë të konsiderueshme i lënduar, Liverpool nuk do ta nënshkruajë, kështu që Arthur do të kthehet në Juventus në verë.

“Fakti i të qenit në gjendje të stërvitesh me dikë si ai të jep gjithmonë shumë si lojtar dhe jam i sigurt se është i dobishëm për atë që do të vijë, sepse mëson shumë prej tij. Tani që jam rikuperuar, padyshim që do të doja të luaja më shumë, por e kuptoj që situata tani është ndryshe nga ajo që ndodhi kur erdha, sepse në atë kohë skuadra kishte disa nevoja dhe tani ka të tjera. por une kam qetesine qe kur flas me ta dhe me thone qe askush nuk ka ankese me mua, krejt e kunderta”, tha ai për Goal.com.

“Më kanë mbetur edhe dy vite në Juventus”, vazhdoi mesfushori. “Unë ende nuk kam folur për këtë me agjentin tim, familjen apo Juventusin. Do të kthehem sepse më kanë mbetur edhe dy vjet; mes nesh ka respekt të ndërsjellë”.

26-vjeçari ka bërë vetëm katër paraqitje në të gjitha garat këtë sezon, por asnjë në Premier League.

Ai iu nënshtrua një operacioni në kyçin e këmbës në tetor, duke mbetur jashtë fushës deri në fund të shkurtit.

Megjithatë, ai ka mbetur i impresionuar nga Reds dhe trajneri i tyre Jurgen Klopp.

Arthur iu bashkua Juventusit në verën e vitit 2020 për 76 milionë euro nga Barcelona ndërsa Miralem Pjanic u transferua në Camp Nou nga Torino në një transferim prej 60 milionë euro.

Braziliani ka luajtur 63 ndeshje me Bianconerët, duke shënuar një gol dhe duke fituar një titull në Serie A. Kontrata e tij në Allianz Stadium skadon në qershor 2025./Arbresh.info/