Real Madridi favorit për ta “rrëmbyer” Jude Bellingham

19:47 | 3 Maj 2023
Orgesa Haziri

Real Madrid është në bisedime të avancuara me Borussia Dortmundin për të nënshkruar mesfushorin anglez Jude Bellingham për më shumë se 100 milionë euro.

19-vjeçari, i cili iu bashkua Dortmundit nga Birmingham City në korrik 2020, ishte një nga lojtarët më të mirë të Anglisë në Kupën e Botës të vitit të kaluar.

Reali është i gatshëm të paguajë rreth 100 milionë euro për Bellinghamin, por Dortmundi mendohet se dëshiron 150 milionë euro, shkruan BBC.

Bellingham ka qenë i lidhur me disa nga skuadrat kryesore të Evropës.

Reali ka besim se mesfushori – i cili ka refuzuar një ofertë për të qëndruar në Dortmund – dëshiron t’i bashkohet atyre, por Manchester City është ende i interesuar.

Bellingham ka luajtur 40 herë për klubin e tij këtë sezon – duke shënuar 11 gola dhe duke regjistruar shtatë asistime./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm