Pas humbjes nga Dukagjini, Prishtina është rikthyer te fitorja duke mposhtur Ferizajn, me rezultat 2:0.

Golin e parë në ndeshje e shënoi Leotrim Kryeziu në minutat e fundit të pjesë së parë, kurse Krasniqi e vulosi fitoren e skuadrës nga kryeqyteti.

Me këtë fitore Prishtina ngjitet në vendin e katërt me 41 pikë, derisa Ferizaj bie në zonën e “rrezikshme” me 31 sosh.

Te fitorja është rikthyer edhe Gjilani me një triumf përballë Malishevën, me rezultat 2:0.

Gjilani shënoi dy herë brenda pjesës së parë për të siguruar një fitore të rëndësishme.

Fillimisht Billalli zhbllokoi rezultatin për 1:0 në minutën e 12-të, kurse Zeka dyfishoi epërsinë pas gjysmë ore lojë.

Gjilani mbetet në vendin e tretë, kurse Malisheva bie në vendin e parafundit.

Në ndeshjen e fundit për ditën e shtunë Llapi është ndalur nga Trepça 89 me një humbje 2:1.

Krasniqi fillimisht shënoi për t’ia dhënë epërsinë Llapit, por në minutën e 67, Oyekambi barazoi shifrat për rezultatin 1:1.

Kur, dukej se ndeshja do të përfundonte pa fitues, skuadra nga Mitrovica gjeti golin në minutat e fundit të ndeshje me anë të Sahitit, i cili shënoi nga penalltia.

Llapi bie në vendin e pestë derisa Trepça 89 është në vendin e shtatë./Arbresh.info/