Mihaila: Nuk duhet ta nënvlerësojmë Kosovën, shpresojmë që tifozët të mos bëjnë probleme

17:51 | 14 Nëntor 2024
D.H

Kosova është mysafire e Rumanisë në ndeshjen e raundit të pestë në kuadër të Ligës së Kombeve.

Një ditë para ndeshjes për kombëtaren dardane, ka folur edhe lojtari rumun, Vali Mihalia, në një konferencë për media, shkruan Arbresh.info.

Ai tha se Kosova nuk duhet nënvlerësuar si dhe shpreson që tifozët mos të shkaktojnë probleme.

“Nuk duhet ta nënvlerësojmë Kosovën. E pamë që ka ndryshime në ekipin e tyre, por ne hyjmë të motivuar dhe me mendimin e vendosmërinë për t’i fituar tri pikë. Shpresojmë që tifozët të mos bëjnë probleme”, u shpreh ai.

Herën e fundit kur u takuan këto dy skuadra, Rumania triumfoi në Prishtinë me rezultat 3-0.

Kjo ndeshje luhet nesër me fillim nga ora 20:45./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm