Google ADS

Ultrasit e Crvena Zvezdës me nderime për terroristët e vrarë në Banjskë dhe thirrje për vrasjen e shqiptarëve në ndeshjen e Champions League ndaj Young Boys

11:43 | 5 Tetor 2023
KRG

Skuadra serbe, Crvena zvezda mbrëmë ishte nikoqire e Young Boys në kuadër të fazës së grupeve në Champions League.

Gjatë kësaj ndeshje, ndodhi edhe ajo që pritej, shkruan Arbresh.info.

Tifozët serb janë duke vazhduar me provokime, fyerje raciste e nacionaliste, gjithashtu edhe duke bërë nderime për terroristët e sulmit serb  më 24 shtator në Banjskë të Zveçanit, ku si pasojë humbi jetën polici Afrim Bunjaku.

Ultrasit e Crvena Zvezdës kanë shpalosur një koreografi të njërit prej terroristëve i cili u ekzekutua nga ana e policisë së Kosovës.

Poashtu gjatë shpalosjes së fotos së terroristit Stefan Nedeljkoviqit, janë bërë edhe thirrjet si “vrite, prite, që shqiptari të mos ekzistojë” si dhe “Kosova është Serbi”.

Kurse në lidhje me këto veprime të tifozëve, ende nuk është dalë ndonjë reagim zyrtar nga  UEFA, megjithatë, pritet që skuadra serbe, Crvena Zvezda, të gjobitet për këto veprime. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm