Google ADS

Kosova zhvillon dy ndeshjet e fundit kualifikuese për Euro 2024

17:53 | 24 Prill 2023
Orgesa Haziri

Kombëtarja e Kosovës në hendboll këtë javë do të zhvillojë dy ndeshjet e fundit të kualifikimeve për Euro 2024.

Të enjten prej orës 20:15 në Pallatin e Rinisë dhe Sportit në Prishtinë është ndeshja Kosova – Mali i Zi, ndërsa të dielën prej orës 18:00 është takimi Sllovenia – Kosova që luhet në Velenje.

Trajneri i kombëtares, Bujar Qerimi e ka konfirmuar se “Dardanët” do të kenë mungesa për këto ndeshje.

“Kemi disa mungesa të rëndësishme, ndërsa disa prej lojtarëve janë të lodhur për shkak të ndeshjeve të shumta e të shpeshta në nivel klubesh. Por përkushtimi është maksimal për të konfirmuar nivelin që e kemi arritur. Ndeshja me Malin e Zi nuk do të jetë e lehtë për ne, por nuk do të jetë e lehtë as për Malin e Zi”, ka thënë ai.

Të dielën mbrëma ishte stërvitja e parë e Kombëtares, ndërsa stërvitja tjetër u zhvillua të hënën paradite./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm