Kryetari i Federatës së Basketbollit të Kosovës, Arben Fetahu, është emëruar anëtar i ri i Bordit Ekzekutiv (BE) të Komitetit Olimpik të Kosovës (KOK).
Pikërisht BE ka miratuar unanimisht propozimin e presidentit Ismet Krasniqi, deri në miratimin nga Asambleja e Punës së KOK-ut, përcjell Arbresh.info.
Fetahu do të zëvendësojë Jeton Beqirin, ish-kryetar i Federatës së Pingpongut të Kosovës (FPPK), i cili në fund të muajit dhjetor të vitit të kaluar dha dorëheqje nga FPPK dhe KOK për shkak të angazhimit me punë jashtë vendit.
Beqiri ishte emëruar anëtar i BE me propozim të presidentit Ismet Krasniqi dhe bazuar në statutin e KOK-ut, edhe zëvendësimi i tij, në këtë rast emërimi i Fetahut u bë me propozimin e presidentit.
“Emërimi i Fetahut është vlerë e shtuar për KOK-un, dhe jemi shumë të kënaqur që do ta kemi në mesin tonë. Së bashku do të vazhdojmë drejt projekteve të reja. Ashtu siç ka dhënë kontribut në avancimin e FBK-së, Arbeni do të japë edhe për KOK-un dhe gjithë lëvizjen olimpike”, ka thënë presidenti Krasniqi.
Fetahu krahas pozitës së kryetarit në FBK, është edhe anëtar i Bordit të FIBA Evropës, nënkryetar i Komisionit Evropian për të rinj në FIBA, si dhe anëtar i komisionit ligjor në KOK./Arbresh.info/
Vdes personi që u plagos sot në Mitrovicë
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...